KLAAF 10/18

KÖLSCH VERZÄLL K Foto:

KÖLSCH VERZÄLL K Foto: iStock, Thomas Vogel »En naaße Bescherung« Et schöns es, wann mer luustere un spingkse kann. Mer Pänz woren allt ‘ne Dach vör der Bescherung opjedriht wie de Dilledöpp. Et wor zick Johren esu, dat der Ühm Chreß un unse Papp dat Bäumche parat maachen däte. Dä Buhei wor jedes Johr derselve, un mer Quös hatten uns Freud dran. Zoeesch wood sich explizeet, en wat för en Eck der Baum ze ston köm. Et wor vun Anfang an klor, wo hä hin moot, denn mer hatte jo kein jroße Stuff. Ävver et wood Johr för Johr neu bekallt, un dat maat döchtich. Die zwei hatten allt e paar Klore versenk un löstich woren se och, wie se Ärm en Ärm die Plaatz för der Baum faßlate, et wor jo klor, derselve wie em letzte Johr. Domet wor der eeschte Deil vum Ühm Chreß singem Optrett avjeschlosse. De Mamm un der Papp funge jetz an, der Baum ze schmöcke un de Jeschenke parat ze maache, un do wor et Zick för uns Quös, dat mer en de Lappekeß kome. Uns jingk dat Spill vill ze flöck, ävver der Mamm vill ze langwielich. Et Leech wood usjemat, un de Pooz feel en et Schloß. Et wor mucksmüsjestell. Mer Pänz sausten us de Bedder an de Dör un däte luustere, nohenein spingkste mer durch et Schlösselloch. Mer sochen allt ens jet bletze un jet Engelshoor vörbeihusche. Zowiele dät ens jet rappele und schrabbe. Mer stunten em Düstere, bes mer kahl Föß hatten un möd woote. Ein Jewessheit hatte mer jo: der nökste Morje moot alles an et Leech brenge. Wie et hell wood, kom dem Ühm Chreß singe zweiten Optrett. Mer Pänz wore kaum noch ze halde. Der Ühm kom jetz en de Stuff, en der rächte Hand der jlöndije Fidibus un en der andere ‘ne Emmer met Wasser. Hä stund do, wie ‘ne hellije Förwehrengel. Et wor allt luuter esu, dat hä bei uns am Baum de Käzen anmaachen dät. Ävver irjend jet dät nit stemme. En däm Momang dät de Mamm der Schalter drihe, un de Käze jingke vun allein an. Der Chreßbaum stund en singem volle Jlanz vör uns. Mer hatten et eeschte Mol elektrische Käzen am Baum. Der Ühm Chreß stund wie vum Bletz jetroffe vör däm Leechterjlanz un mer Quante däten uns nit bewäje. Höösch rötschten dem Chreß der Emmer us der Fuus, un weil hä ärch lang Ärmen hatt, wor der Wäch bes op et Jebünn nit all zo wick. Schlabberen dät hä ävver doch noch. Die Üvveraschung hatt in su jepack, dat hä och die Hand met dem Fidibus sacke leet. Un wie der Düvel et well, fung et op eimol an ze stinke, denn de Fäddem vun singer Botz woren am jlimme. Uns Mamm wor ävver flöck bei der Hand, se nohm der Emmer met beidse Häng un – kott drop hatt der Ühm Chreß en naaße Botz. Wie hä jetz Huhwasser en de Schluffen hatt, wor hä widder klor, lorten an singer Botz erav un sat janz drüch: „Es dat jetz immer esu?“ Die janze Bajasch wor am jriemele un am kujaxe. De Mamm wood als Levvensretter jefiert. Der Ühm hatt der Klore janz flöck en de Häng un moot sich stärke. Dat hä met singe naaße Schoche de janze Stuff besabbelen dät, feel allt janit mih op. Nor der Papp un mer Pänz stunten eröm un däten op de Bescherung wade. Die Opräjung hatt sich jelat, wie de Mamm janz en Jedanke sage dät: „Su, jetz maache mer de Bescherung ävver noch ens richtich.“ Dat wor zevill för der Ühm Chreß. Hä loorten der Baum an, an singer Botz erav un op der Emmer, un schwuppdiwupp, wor hä drusse. Op der Trapp hoot mer in noch schänge: „Chreßdach wollt ich fiere un nit jewässert wäde!“ Klaus Windmüller 30 KLAAF KÖLSCH VERZÄLL

IMPRESSUM »Bal kütt en Zick« Zint Mätes trok allt durch de Stadt meer han si Leed jesunge – un en de Hätze, rich un hatt, hät hä der Wäch jefunge. Der Dach weed koot, de Nächte lang, de Rutte wäde bling, un wann der späte Morje kütt, litt Nevvel üvver’m Rhing. Bal kütt en Zick, die kumme muß, söns jeit der Mot verlore. Mer hö’t allt Unjedold erus: Wann weed der Här jebore? Süch aan, do weed jet opjebaut – klein Büdcher ston o’m Maat. Op Desch un Bredder weed dann flöck Vill schöne Krom jelaht. He es mer för et Feß jeröß met Printe un Kuschteie, met Marzepan un Peffernöß – de Büdcher ston op Reihe. Jlaseete Äppel, Zuckerwatt, Chreßdachsjebäck för üch! Jebrannte Mandele derbei, wie lecker dat all rüch! »Zinter Klos« Wann et ens widder Winter gitt, dat selvs der Mond der Mantel kritt, wenn em Gebüsch et kraach vum Froß, freuen ich mich op Zinter Klos. Dann gläuven ich an dä lange Baat un an die Reis, die hä jemaht, un dat hä hät et rächte Moß för jede Teller, jede Blos. Dann stellen ich höösch mich en en Eck un dun do op si Glöckche waade. Un wä do meint ich wör ene Geck, dä loß ich räuhig wigger schwaade. Un denk‘ bei meer su för mich hin: künnt alles noch ens richtig sin, su en der Odenung vun fröher – der hellije Mann wör uns jet nöher! Herausgeber Akademie för uns kölsche Sproch/SK Stiftung Kultur der Sparkasse KölnBonn Geschäftsführung und Leitung: Prof. Hans-Georg Bögner Im Mediapark 7 · 50670 Köln Tel.: 0221/888 95-200 akademie@sk-kultur.de www.koelsch-akademie.de In Kooperation mit dem Känguru Colonia Verlag. www.kaenguru-colonia-verlag.de Redaktionsteam Ingeborg Nitt (verantwortlich), Claudia Schlickeiser (Termine) Anzeigen Känguru Colonia Verlag GmbH Hansemannstr. 17–21 · 50823 Köln www.kaenguru-online.de Ansprechpartnerin: Susanne Geiger-Krautmacher geiger@kaenguru-online.de Grafik Anja Sauerland · www.paper-love.com Druck WEISS-Druck GmbH & Co. KG Keine Haftung für Irrtümer und Druckfehler. Einige Texte verwenden die Schreibweise der „Akademie för uns kölsche Sproch“. Literarische Texte, Gastbeiträge und Veranstaltungshinweise belassen wir in der Schreibweise der Autoren. Vum Rothuustoon klingk Klockespill, de Pänz jelaufe kumme. Et Karusselche steit nit stell bei Tröte, Urjel, Trumme! Mänch Mülche, schukeladverschmeet, vör Kält mänch Näsje rut, ahl Lück han Freud, mäncheiner meint, hä wör noch ens ’ne Puut. Zo jevve un zo nemme zällt, de Freud liert uns et schenke. Chreßkindches-Maat, do bungkte Welt, de Kinderauge blänke! Wann he un do e Kätzje brennt, dozo en Klock ens lück, bejrief mäncheiner em Advent, wat uns die Zick bedück. Henner Berzau Richard Griesbach Alle kölschen Texte zur Adventszeit in diesem Heft stammen aus der Anthologie „Kölle läv et janze Johr“, die 1994 von der „Akademie för uns kölsche Sproch“ im Greven Verlag herausgegeben worden ist. Sie kann in der Bibliothek entliehen werden. Ansprechpartner Akademie Alice Herrwegen, Seminare & Sprache herrwegen@sk-kultur.de Tel.: 0221/888 95-203 Priska Höflich, Kölsch-AGs an Schulen hoeflich@sk-kultur.de Tel.: 0221/888 95-205 Ingeborg Nitt, Bibliothek nitt@sk-kultur.de Tel.: 0221/888 95-202 Karola Müller, Sekretariat mueller@sk-kultur.de Tel.: 0221/888 95-200 Pressekontakt: Dr. Ralf Convents pr@sk-kultur.de Öffnungszeiten Bibliothek: Mo + Do 9–12 Uhr und 14–16 Uhr, Di 9–12 Uhr und 14–18 Uhr, Fr 9–12 Uhr Mi geschlossen Öffnungszeiten Sekretariat: Mo–Do 9–14 Uhr KÖLSCH VERZÄLL KLAAF 31