KLAAF 10/18

MENSCHEN IN DEN

MENSCHEN IN DEN SEMINAREN K Foto: Ingeborg Nitt De Kölsch- Seminarleiter En unser Reih stellt sich hügg der Hein Engels vör. Tja, wo fängk mer aan jet üvver sich selvs zo verzälle? Ich fang ens ganz vun vürre aan. En Lunke 1944 ben ich gebore beim Bombeaangreff op der Kellertrapp wie se de Mam en Secherheit bränge wollte. Groß gewoode un Schulle gegange ben ich en Müllem, han Kfz-Mechaniker geliert un en Neppes Fußball gespillt. Gearbeidt han ich och, un zoletz wor ich Leiter vum Ford singer eige Reha-Abteilung. Ich hatt met Kölle nix am Hot un kannt wie vill Kölsche nor et Rodhuus un der Dom un de Weetschafte. 1963 han ich mi Weech kennegeleet un 1966 gehierodt. 1996 gov et dann en Wend. Em Stadtanzeiger wor ne Oprof vun ener „Akademie för uns kölsche Sproch“. Die däte för e Boch met däm Titel: „Kölle läv op der ganze Welt“ Verzällcher söke usem Urlaub, wo jet vun Kölle dren vürkütt. No jo, daach ich, schrievs de ald ens jet, villleich gefällt dat denne. Ich han e lang Rüümche geschrevve unger däm Titel: „Schäl Sick es och Usland“. Ich kräg Bescheid, dat wör zwar god ävver ze noh bei Kölle. Ich daach, wann die dat su wolle, Hein Engels krige se jet usem Blösche verzallt. Ich han e Stöckelche geschrevve, dat sich angeblich en Südossasie avspille dät met däm Titel: „De Breeftäsch es fott!“ Ich log öm, wie ich Bescheid kräg, dat Dinge es god, dat nemme mer. Jetz wollt ich genau wesse, wat dat för ne Verein wor. Mer woodt verklört, dat mer en 4 Semestere Kölsch liere künnt un ich han mich engeschrevve. Ming Fründe un ming Famillich meinte, ich hätt se nit mih all op der Reih, ävver mich hatt der Ihrgeiz gepack. Vun Januar 1997 bes Dezember 1998 han ich en der Akademie gebüffelt. Un wie ich mi Exame hatt, han die mich doch glatt gefrog, ov ich nit Seminarleiter weede wöllt met däm, wat ich all en minger Bier hatt un ich han jo gesaht. Ich hat jo och god Lehrer un vun jedem han ich vill metkräge. »Dä, jetz hat ich dä Schlamasel un ming Weech hät sich schibbelig gelaach ...« Am 6. Januar 1999 moot ich tirektemang aanfange met däm Seminar Brauchtum. Dä, jetz hat ich dä Schlamasel un ming Weech hät sich schibbelig gelaach un gesaht: „Do wollts et jo unbedingk wesse, jetz muss do dodurch!“ Un et hät geflupp. Je länger et gedot hät desto mih Freud hatt ich dran un dat jetz ald em nüngsehnte Johr. Un all die, die mich för beklopp erklärt han, die kumme alle naslangs aan un froge mer Löcher en der Buch üvver alles Mögliche, wat se en Kölle grad entdeck han. 2001 stundt ich am Brunne vum Jan om Aldermaat, do kom e jung Weech met vill Papier en de Häng un wor de Lück jet üvver Kölle am Verzälle. Do säht dat wahr-haftig, dä Jan wör nor en Legende, dä hätt et nie gegovve. Do ben ich su richtig wödig gewoode un han im ming Meinung gegeig. Sing Antwood: „Sie gehören ja gar nicht zu der Gruppe und wenn sie so weitermachen, rufe ich die Polizei!“ Dat wor dann för mich der Aanstüss un ich han för mi Weech gesaht: „Av jetz maach ich de Föhrunge selver!“ Ich han der Norbert Burger, met däm ich ne gode Verdrag hatt, gefrog, ov mer sich doför aanmelde möht. Sing Antwood: „Hee en Kölle bruch mer dat nit, alsu dun der keine Däu aan un loss gonn!“ Zick däm maache ich Föhrunge durch uns Stadt, besöke de Brauhüüser, jöcke durch et Fastelovendsmuseum un üvver Malote. Un do sage ich de Lück vürher: „Wann mer jetz do eren gonn, loot üch öm un dann sökt ehr üch ald ens e Bedd för et nächste Levve us. Un maht üüre Erve ald ens klor, dat se mich dann als Trauerredner nemme, denn dat maach ich jetz zick 2016 och noch op Kölsch udder Huhdütsch. 20 KLAAF SEMINARE

KÖLSCH-SEMINARE 1. HALBJAHR 2019 BEGINN ZEIT ORT THEMA KURS-NR. SEMINARLEITER Imi-trikulation 1 Fr 11. 01. 19.00 Akademie Informationsveranstaltung A. Herrwegen Anfängerkurse Mo 14. 01. 17.30 Berufskolleg Mer liere Kölsch – ävver flöck MF 1119 R. Schönhofen Di 15. 01. 10.30 Akademie Mer liere Kölsch – ävver flöck MF 2119 M. Scharfe Di 15. 01. 19.00 Antwerpener Mer liere Kölsch – ävver flöck MF 3119 W. Jaegers Mi 16. 01. 19.00 Akademie Mer liere Kölsch – ävver flöck MF 4119 B. Hambüchen Do 17. 01. 17.30 Berufskolleg Mer liere Kölsch – ävver höösch 2 MH 1119 N. Faßbender Do 17. 01. 17.30 Akademie Mer liere Kölsch – ävver flöck MF 5119 A. Klever Examenskurse Di 15. 01. 19.00 Akademie Stadtgeschichte S 1119 R. Schönhofen Mi 16. 01. 19.00 Akademie Stadtgeschichte S 2119 H. Salentin Do 17. 01. 19.00 Berufskolleg Stadtgeschichte S 3119 M. Latzel Mo 14. 01. 17.30 Berufskolleg Sprachgeschichte und Literaturkunde L 1119 A. Klever Di 15. 01. 12.30 Akademie Konversation K 1119 A. Herrwegen Di 15. 01. 19.30 Dünnwald Sprachgeschichte und Literaturkunde L 2119 R. Meier Mi 16. 01. 17.30 Akademie Sprachgeschichte und Literaturkunde L 3119 H. Salentin Do 17. 01. 19.00 Berufskolleg Sprachgeschichte und Literaturkunde L 4119 H. Engels Do 17. 01. 19.00 Berufskolleg Sprachgeschichte und Literaturkunde L 5119 N. Faßbender Mo 14. 01. 17.30 Akademie Brauchtum B 1119 M. Scharfe Mo 14. 01. 19.00 Berufskolleg Brauchtum B 2119 R. Schönhofen Mi 16. 01. 10.30 Akademie Brauchtum B 3119 H. Salentin Mi 16. 01. 17.30 Akademie Schreibwerkstatt SW 1119 B. Hambüchen Themenkurse 3 Mo 14. 01. 10.30 Akademie Konversationskurs T 1119 M. Dohmen Mi 16. 01. 12.15 Akademie Die Tore der mittelalt. Stadtmauer T 2119 L. Gräfer Di 15. 01. 17.00 Akademie Literatur op Kölsch T 3119 K. Petzoldt Do 17. 01. 10.30 Akademie Wirtschaftsgeschichte im 19. Jh. T 4119 H. Engels Do 17. 01. 17.30 Berufskolleg Köln in der Nachkriegszeit II T 5119 H. Binkowski Do 17. 01. 19.00 Akademie Köln im Nationalsozialismus T 6119 A. Klever 1 einmalige Einführungsveranstaltung für angemeldete Teilnehmer von „Mer liere Kölsch“ 2 zweites von 2 Semestern 3 Themenkurse können unabhängig vom Kölsch-Examen belegt werden (Mindestteilnehmerzahl: 12) Jeder Kurs dauert 12 Doppelstunden (1 Stunde = 45 Min.). Die Kurse finden in der Regel statt am: Mo 14., 21., 28. Januar 04., 11., 18., 25. Februar 11.,18., 25. März 01., 08. April Di 15., 22., 29. Januar 05., 12., 19., 26. Februar 12., 19., 26. März 02., 09. April Mi 16., 23., 30. Januar 13., 20., 27. Februar 06., 13., 20., 27. März 04., 10. April Do 17., 24., 31. Januar 07., 14., 21. Februar 07., 14., 21., 28. März 05., 11. April In der Regel keine Kurse an Karneval 28.02. – 06.03.2019. Die Kursgebühr beträgt 90 € und 55 € für die Themenkurse. Anmeldung vom 12.11. – 14.12.2018 bei Alice Herrwegen, Tel.: 0221/888 95-203 Kölsche gesök! Bewerbungen bitte an: herrwegen@sk-kultur.de Domet uns schön Sproch nit usstirv, kann mer bei uns an der „Akademie för uns kölsche Sproch“ Kölsch-Kurse beläge. Mer söke langfristig neu Seminarleiter. Bewerber sollte hee die Vörussetzunge erfölle: — Kölsch als Muttersproch — Fähigkeit, der Lierstoff met Humor erüvverzobränge — Grammatische Kenntnisse — Jüngere Lück sin gään gesinn SEMINARE KLAAF 21